Читать онлайн Молитвенник бесплатно

Восстав от сна прежде всего стань благоговейно, представляя себя перед Всевидящим Богом и, осенив себя крестным знамением, говори:

Во имя Отца и Сына и Святаго Духа. Аминь.

Посем мало помедли, чтобы все чувства твои пришли в тишину и мысли твои оставили все земное; и тогда произноси следующие молитвы без поспешности, со вниманием сердечным.

Молитва мытаря

Боже, милостив буди мне грешному.

Молитва начинательная

Господи Иисусе Христе, Сыне Божий, молитв ради Пречистыя Твоея Матере и всех святых, помилуй нас. Аминь.

* * *

Слава Тебе, Боже наш, слава Тебе.

Царю Небесный, Утешителю, Душе истины, иже везде сый и вся исполняяй, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.

Святый Боже, Святый Крепкий, Святый Бессмертный, помилуй нас (трижды).

Слава Отцу и Сыну и Святому Духу, и ныне и присно и во веки веков. Аминь.

Пресвятая Троице, помилуй нас: Господи, очисти грехи наша: Владыко, прости беззакония наша: Святый, посети и исцели немощи наша имене Твоего ради.

Господи, помилуй (трижды).

Слава… и ныне…

Отче наш, иже еси на небесех, да святится имя Твое; да приидет Царствие Твое; да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.

Яко Твое есть Царство, и сила и слава во веки. Аминь.

Тропари Троичны

Воставше от сна, припадаем Ти, Блаже, и ангельскую песнь вопием Ти, Сильне: свят, свят, свят еси, Боже, Богородицею помилуй нас.

Слава: От одра и сна воздвигл мя еси, Господи; ум мой просвети и сердце, и устне мои отверзи, во еже пети Тя, Святая Троице: свят, свят, свят еси, Боже, Богородицею помилуй нас.

И ныне: Внезапу Судия приидет, и коегождо деяния обнажатся; но страхом зовем в полунощи: свят, свят, свят еси, Боже, Богородицею помилуй нас.

Господи, помилуй (12 раз).

Молитва ко Пресвятой Троице

От сна восстав, благодарю Тя, Святая Троице, яко многия ради Твоея благости и долготерпения не прогневался еси на мя лениваго и грешнаго, ниже погубил мя еси со беззаконьми моими; но человеколюбствовал еси обычно, и в нечаянии лежащаго воздвигл мя еси, во еже утреневати и славословити державу Твою. И ныне просвети мои очи мысленныя, отверзи моя уста поучатися словесем Твоим и разумети заповеди Твоя, и творити волю Твою, и пети Тя во исповедании сердечнем, и воспевати всесвятое имя Твое, Отца и Сына и Святаго Духа, ныне и присно и во веки веков. Аминь.

* * *

Приидите, поклонимся Цареви нашему Богу.

Приидите, поклонимся и припадем Христу, Цареви нашему Богу.

Приидите, поклонимся и припадем Самому Христу, Цареви и Богу нашему.

Три поклона U:

Псалом 50

Помилуй мя, Боже, по велицей милости Твоей, и по множеству щедрот Твоих, очисти беззаконие мое. Наипаче омый мя от беззакония моего, и от греха моего очисти мя. Яко беззаконие мое аз знаю, и грех мой предо мною есть выну. Тебе единому согреших и лукавое пред Тобою сотворих: яко да оправдишися во словесех Твоих и победиши внегда судити ти. Се бо в беззакониих зачат есмь и во гресех роди мя мати моя. Се бо истину возлюбил еси, безвестная и тайная премудрости Твоея явил ми еси. Окропиши мя иссопом и очищуся; омыеши мя, и паче снега убелюся. Слуху моему даси радость и веселие: возрадуются кости смиренныя. Отврати лице Твое от грех моих, и вся беззакония моя очисти. Сердце чисто созижди во мне, Боже, и дух прав обнови во утробе моей. Не отвержи мене от лица Твоего, и Духа Твоего святаго не отъими от мене. Воздаждь ми радость спасения Твоего, и Духом владычным утверди мя. Научу беззаконныя путем Твоим, и нечестивии к Тебе обратятся. Избави мя от кровей, Боже, Боже спасения моего, возрадуется язык мой правде Твоей. Господи, устне мои отверзеши, и уста моя возвестят хвалу Твою. Яко аще бы восхотел еси жертвы, дал быхубо: всесожжения не благоволиши. Жертва Богу – дух сокрушен: сердце сокрушенно и смиренно Бог не уничижит. Ублажи, Господи, благоволением Твоим Сиона, и да созиждутся стены Иерусалимския. Тогда благоволиши жертву правды, возношение и всесожигаемая: тогда возложат на олтарь Твой тельцы.

Молитвы Господу Иисусу Христу

К Тебе, Владыко Человеколюбче, от сна восстав прибегаю, и на дела Твоя подвизаюся милосердием Твоим, и молюся Тебе: помози ми на всякое время, во всякой вещи, и избави мя от всякия мирския злыя вещи и диавольскаго поспешения, и спаси мя и введи мя в Царство Твое вечное. Ты бо еси мой Сотворитель и всякому благу Промысленник и Податель, о Тебе же все упование мое, и Тебе славу воссылаю ныне и присно и во веки веков. Аминь.

* * *

Иже на всякое время и на всякий час, на небеси и на земли покланяемый и славимый, Христе Боже, долготерпеливо, многомилостиво, многоблагоутробне: иже праведныя любяй и грешныя милуяй, иже вся зовый ко спасению обещания ради будущих благ. Сам, Господи, приими и наша в час сей молитвы, и исправи живот наш к заповедем Твоим; души наша освяти, телеса очисти, помышления исправи, мысли очисти; и избави нас от всякия скорби, зол и болезней: огради нас святыми Твоими ангелы, да ополчением их соблюдаеми и наставляеми, достигнем в соединение веры, и в разум неприступныя Твоея славы; яко благословен еси во веки веков. Аминь.

Молитва Пресвятой Богородице

Пресвятая Владычице моя Богородице, святыми Твоими и всесильными мольбами отжени от мене, смиреннаго и окаяннаго раба Твоего, уныние, забвение, неразумие, нерадение, и вся скверная, лукавая и хульная помышления от окаяннаго моего сердца и от помраченнаго ума моего; и погаси пламень страстей моих, яко нищ есмь и окаянен, и избави мя от многих и лютых воспоминаний и предприятий, и от всех действ злых свободи мя; яко благословенна еси от всех родов, и славится пречестное имя Твое во веки веков. Аминь.

Молитва Ангелу Хранителю

Ангеле Божий, хранителю мой святый, на соблюдение мне от Бога с небес данный! Прилежно молю тя: ты мя днесь просвети, и от всякаго зла сохрани, ко благому деянию настави, и на путь спасения направи. Аминь.

Молитва святому, имя которого носишь

Моли Бога о мне, святый угодниче Божий (имя), яко аз усердно к тебе прибегаю, скорому помощнику и молитвеннику о души моей.

Молитва святой, имя которой носишь

Моли Бога о мне, святая угоднице Божия (имя), яко аз усердно к тебе прибегаю, скорой помощнице и молитвеннице о души моей.

Песнь Пресвятой Богородице

Богородице Дево, радуйся, Благодатная Марпе, Господь с Тобою; благословенна Ты в женах и благословен плод чрева Твоего, яко Спаса родила еси душ наших.

Тропарь креста и молитва за Отечество

Спаси, Господи, люди Твоя и благослови достояние Твое, победы святей Твоей Церкви на сопротивныя даруя; и Твое сохраняя крестом Твоим жительство.

Посем кратко принеси молитву о здравии и спасении отца твоего духовного, родителей твоих, сродников, начальников, благодетелей, знаемых тебе, болящих или находящихся в печали. Или, если можешь, читай сей помянник:

О живых

Помяни, Господи Иисусе Христе, Боже наш, милости и щедроты Твоя от века сущия, ихже ради и вочеловечился еси, и распятие и смерть, спасения ради право в Тя верующих, претерпети изволил еси; и воскрес из мертвых, вознеслся еси на небеса и седиши одесную Бога Отца, и призираеши на смиренныя мольбы всем сердцем призывающих Тя; приклони ухо Твое, и услыши смиренное моление мене, непотребнаго раба Твоего, в воню благоухания духовнаго, Тебе за вся люди Твоя приносящаго. И в первых помяни Церковь Твою святую, соборную и апостольскую, юже снабдил еси честною Твоею Кровию, и утверди, укрепи и разшири, умножи, умири и непреобориму адовыми враты во веки сохрани; раздирания Церквей утиши, шатания языческая угаси, и ересей восстания скоро разори и искорени, и в ничтоже силою Святаго Твоего Духа обрати (поклон).

Спаси, Господи, и помилуй Святейшия Православныя Патриархи, и Преосвященныя Митрополиты, Архиепископы и Епископы, иереи же и диаконы, и весь причет церковный, яже поставил еси пасти словесное Твое стадо, и молитвами их помилуй и спаси мя грешнаго (поклон).

Спаси, Господи, и помилуй правителей наших и глаголи мирная и благая в сердце их о Церкви Твоей Святей и о всех людех Твоих; да и мы, в тишине их, тихое и безмолвное житие поживем во всяком благочестии и чистоте (поклон).

Спаси, Господи, и помилуй отца моего духовного (имя) и святыми его молитвами прости моя согрешения (поклон).

Спаси, Господи, и помилуй родители моя (имена их), братию, и сестры, и сродники моя по плоти, и вся ближняя рода моего, и други, и даруй им мирная Твоя и премирная благая (поклон).

Спаси, Господи, и помилуй старцы и юныя, нищия и сироты и вдовицы, и сущия в болезни и в печалех, бедах же и скорбех, обстояниих и пленениих, темницах же и заточениих, изряднее же в гонениих, Тебе ради и веры Православныя, от язык безбожных, от отступник и от еретиков, сущия рабы Твоя; и помяни я, посети, укрепи, утеши, и вскоре силою Твоею ослабу, свободу и избаву им подаждь (поклон).

Спаси, Господи, и помилуй посланныя в службу, путешествующия, отцы и братию нашу, и сестры, и вся Православныя христианы (поклон).

Спаси, Господи, и помилуй ненавидящия и обидящия мя, и творящия ми напасти, и не остави их погибнути мене ради грешнаго (поклон).

Отступившия от веры и погибельными ересьми ослепленныя светом Твоего познания просвети и причти святей Твоей Соборней Апостольстей Церкви (поклон).

Об усопших

Помяни, Господи, души усопших рабов Твоих, родителей моих (имена их) и всех сродников по плоти; и прости им вся согрешения вольная и невольная, даруя им Царствие и причастие вечных Твоих благ и Твоея безконечныя и блаженныя жизни наслаждение (поклон).

Помяни, Господи, и вся в надежди воскресения и жизни вечныя усопшия отцы и братию нашу, и сестры, и зде лежащия, и повсюду православныя христианы, и со святыми Твоими, идеже присещает свет лица Твоего, всели, и нас помилуй, яко благ и человеколюбец. Аминь (поклон).

Подаждь, Господи, оставление грехов всем, прежде отшедшим в вере и надежде воскресения, отцем, братиям и сестрам нашим, и сотвори им вечную память (трижды).

Окончание молитв

Достойно есть яко воистину блажити Тя Богородицу, присноблаженную и пренепорочную и Матерь Бога нашего. Честнейшую херувим и славнейшую без сравнения серафим, без нетления Бога Слова рождшую, сущую Богородицу Тя величаем.

Слава… и ныне…

Господи, помилуй (трижды).

Господи Иисусе Христе, Сыне Божий, молитв ради Пречистыя Твоея Матере, преподобных и Богоносных отец наших и всех святых, помилуй нас. Аминь.

Посем помысли об обязанностях, делах, которые тебе предстоит исполнить сегодня и сотвори твердое намерение следовать Христу.

Перед началом всякого дела

Царю Небесный… (стр. 3)

или:

Господи Иисусе Христе, Сыне Единородный Безначальнаго Твоего Отца, Ты рекл еси пречистыми усты Твоими: яко без Мене не можете творптп ничесоже. Господи мой, Господи, верою объем в души моей и сердце Тобою реченная, припадаю Твоей благости: помози ми грешному, сие дело, мною начинаемо, о Тебе самем совершити, во имя Отца и Сына и Святаго Духа. Аминь.

По окончании всякого дела

Исполнение всех благих Ты еси, Христе мой, исполни радости и веселия душу мою и спаси мя, яко един многомилостив.

Пред учением

Преблагий Господи, ниспосли нам благодать Духа Твоего Святаго, дарствующаго и укрепляющаго душевныя наши силы, дабы внимая преподаваемому нам учению, возрасли мы Тебе, нашему Создателю, во славу, родителям же нашим на утешение, Церкви и Отечеству на пользу.

После учения

Благодарим Тебе, Создателю, яко сподобил еси нас благодати Твоея, во еже внимати учению. Благослови наших начальников, родителей и учителей, ведущих нас к познанию блага и подаждь нам силу и крепость к продолжению учения сего.

Пред обедом и ужином

Очи всех на Тя, Господи, уповают, и Ты даешп им пищу во благовремении; отверзаеши Ты щедрую руку Твою, и исполняеши всякое животно благоволения (Пс 144).

Или читается: Отче наш… (стр. 4).

После обеда и ужина

Благодарим Тя, Христе Боже наш, яко насытил еси нас земных Твоих благ; не лиши нас и небеснаго Твоего Царствия. Но яко посреде учеников Твоих пришел еси, Спасе, мир Твой дая нам, прииди и к нам и спаси нас.

Десять заповедей Божиих

1. Аз есмь Господь Бог твой, да не будут тебе бози инии разве Мене (кроме Меня).

2. Не сотвори себе кумира и всякаго подобия, елика (что) на небеси горе, и елика на земле низу, и елика в водах под землею, да не поклонишися им, ни послужиши им.

3. Не приемли (не произноси) имене Господа Бога твоего всуе (напрасно).

4. Помни день субботний, еже святити (чтобы святить) его: шесть дней делай и сотвориши в них вся дела твоя, день же седьмый суббота Господу Богу твоему.

5. Чти отца твоего и матерь твою, да благо ти будет и да долголетен будеши на земли.

6. Не убий.

7. Не прелюбодействуй.

8. Не укради.

9. Не послушествуй на друга твоего свидетельства ложна (не произноси ложного свидетельства на ближнего своего).

10. Не пожелай жены искренняго твоего, не пожелай дому ближнего твоего, ни села его, ни вола его, ни осла его, ни всякого скота его, ни всего, елика суть ближняго твоего.

Заповеди блаженства

Во Царствии Твоем помяни нас, Господи, егда приидеши во Царствии Твоем.

Блажени нищии духом, яко тех есть Царство Небесное.

Блажени плачущии, яко тип утешатся.

Блажени кротцыи, яко тии наследят землю.

Блажени алчущии и жаждущии правды, яко тии насытятся.

Блажени милостивии, яко тии помиловани будут.

Блажени чистии сердцем, яко тии Бога узрят.

Блажени миротворцы, яко тии сынове Божии нарекутся.

Блажени изгнани правды ради, яко тех есть Царство Небесное.

Блажени есте, егда поносят вам и ижденут, и рекут всяк зол глагол на вы лжуще Мене ради.

Радуйтеся и веселитеся, яко мзда ваша многа на небесех.

Во имя Отца и Сына и Св. Духа. Аминь.

Господи Иисусе Христе, Сыне Божий, молитв ради Пречистыя Твоея Матере, преподобных и богоносных отец наших и всех святых, помилуй нас. Аминь.

Слава Тебе, Боже наш, слава Тебе, Царю Небесный… Отче наш… (см. стр. 3, 4).

Помилуй нас, Господи, помилуй нас: всякаго бо ответа недоумеюще сию Ти молитву яко Владыце грешнии приносим: помилуй нас.

Слава: Господи, помилуй нас, на тя бо уповахом; не прогневайся на ны зело, ниже помяни беззаконий наших, но призри и ныне яко благоутробен, и избави ны от враг наших; Ты бо еси Бог наш, и мы людие Твои, вси дела руку Твоею, и имя Твое призываем.

И ныне: Милосердия двери отверзи нам, благословенная Богородице, надеющиися на Тя да не погибнем, но да избавимся Тобою от бед: Ты бо еси спасение рода христианского.

Молитва: Господи Боже наш, еже согреших во дни сем словом, делом и помышлением, яко Благ и Человеколюбец прости ми. Мирен сон и безмятежен даруй ми, Ангела Твоего хранителя поели, покрывающа и соблюдающа мя от всякаго зла, яко Ты еси хранитель душам и телесем нашим, и Тебе славу воссылаем, Отцу и Сыну и Святому Духу, ныне и присно и во веки веков. Аминь.

Молитва ко Пресв. Богородице

Благаго Царя благая Мати, Пречистая и Благословенная Богородице Марие, милость Сына Твоего и Бога нашего излей на страстную мою душу и Твоими молитвами настави мя на деяния благая, да прочее время живота моего без порока прейду и Тобою рай да обрящу, Богородице Дево, едина Чистая и Благословенная.

Св. Ангелу Хранителю

Ангеле Христов, хранителю мой святый и покровителю души и тела моего, вся ми прости, елика согреших во днешний день; и от всякаго лукавствия противнаго ми врага избави мя, да ни в коем же гресе прогневаю Бога моего, но моли за мя грешнаго и недостойнаго раба, яко да достойна мя покажеши благости и милости Всесвятыя Троицы, и Матере Господа моего Иисуса Христа, и всех святых. Аминь.

Иже на всякое время (стр. 6).

Повседневное исповедание грехов

Исповедаю Тебе, Господу Богу моему и Творцу, во Святей Троице Единому славимому и покланяемому Отцу и Сыну и Святому Духу, вся моя грехи, яже содеях во вся дни живота моего, и на всякий час, и в настоящее время, делом, словом, помышлением, зрением, слухом, обонянием, вкусом, осязанием и всеми моими чувствы, душевными вкупе и телесными, имиже Тебе Бога моего и Творца прогневах, и ближняго моего онеправдовах. О сих жалея, винна себе Тебе Богу моему представляю и имею волю каятися, точию Ты, Господи Боже мой, помози ми, со слезами смиренно молю Тя; прешедшая же согрешения моя милосердием Твоим прости ми, и разреши от всех сих, яко Благ и Человеколюбец.

Молитва покаянная

Ослаби, остави, прости, Боже, прегрешения наша, вольная и невольная, яже в слове и в деле, яже в ведении и неведении, яже во дни и в нощи, яже во уме и в помышлении: вся нам прости, яко Благ и Человеколюбец.

* * *

Взбранной Воеводе победительная, яко избавльшеся от злых, благодарственная восписуем Ти раби Твои, Богородице: но яко имущая державу непобедимую, от всяких нас бед свободи, да зовем Ти: радуйся, Невесто неневестная.

Преславная Приснодево, Мати Христа Бога, принеси молитву нашу Сыну Твоему и Богу нашему, да спасет Тобою души наша.

Все упование мое на Тя возлагаю, Мати Божия, сохрани мя под кровом Твоим.

Просвети очи мои, Христе Боже, да не когда усну в смерть, да не когда речет враг мой: укрепихся на него.

Заступник души моея буди, Боже, яко посреде хожду сетей многих: избави мя от них и спаси мя, Блаже, яко Человеколюбец.

Упование мое Отец, прибежище мое Сын, покров мой Дух Святый: Троице Святая, слава Тебе.

Достойно есть… Честнейшую херувим… и проч. (см. стр. 9).

Ложась в постель, знаменуй себя крестом и говори:

Да воскреснет Бог, и расточатся врази Его, и да бежат от лица Его ненавидящии Его. Яко исчезает дым, да исчезнут; яко тает воск от лица огня, тако да погибнут беси от лица любящих Бога и знаменующихся крестным знамением и в веселии глаголющих: радуйся, пречестный и животворящий кресте Господень, прогоняющий бесы силою на тебе пропятаго Господа нашего Иисуса Христа, во ад сошедшаго и поправшаго силу диаволю и даровавшаго нам тебе, крест Свой честный, на прогнание всякаго супостата. О, пречестный и животворящий кресте Господень! помогай ми со Святою Госпожею Девою Богородицею и со всеми святыми во веки. Аминь.

Или: Огради мя, Господи, силою честнаго и животворящаго Твоего Креста, и сохрани мя от всякаго зла.

Когда предаешься сну, говори:

В руце Твои, Господи Иисусе Христе, Боже мой, предаю дух мой; Ты же мя благослови, Ты мя помилуй и живот вечный даруй ми. Аминь.

Призывание Духа Святого на всякое доброе дело

Царю Небесный (стр. 3).

Тропарь, гл. 2. Творче и создателю всяческих, Боже, дела рук наших, ко славе Твоей начинаемая, Твоим благословением спешно исправи, и нас от всякаго зла избави, яко един всесилен и Человеколюбец.

Кондак, гл. 2. Скорый в заступление и крепкий в помощь, представи благодатию силы Твоея ныне, и благословив укрепи, и в совершение намерения благаго дела рабов Твоих произведи; вся бо, елика хощеши, яко сильный Бог творити можеши.

Благодарение за всякое благодеяние Божие

Тропарь, гл. 4. Благодарни суще недостойнии раби Твои, Господи, о Твоих великих благодеяниих на нас бывших, славяще Тя хвалим, благословим, благодарим, поем и величаем Твое благоутробие, и рабски любовию вопием Ти: Благодетелю, Спасе наш, слава Тебе.

Кондак, гл. 3- Твоих благодеяний и даров туне, яко раби непотребнии, сподобльшеся, Владыко, к Тебе усердно притекающе, благодарение по сим приносим, и Тебе яко Благодетеля и Творца славяще, вопием: слава Тебе, Боже всещедрый.

Богородичен, гл. 3. Богородице, христианом Помощнице, Твое предстательство стяжавше раби Твои, благодарно Тебе вопием: радуйся, Пречистая Богородице Дево, и от всех нас бед Твоими молитвами всегда избави, едина вскоре предстательствующая.

Песнь хвалебная св. Амвросия

Тебе Бога хвалим, Тебе Господа исповедуем. Тебе превечнаго Отца вся земля величает. Тебе вси ангели, Тебе небеса и вся силы. Тебе херувими и серафпмп непрестанными гласы взывают: свят, свят, свят Господь Бог Саваоф, полны суть набеса и земля величества славы Твоея! Тебе преславный Апостольский лик, Тебе пророческое хвалебное число. Тебе хвалит пресветлое мученическое воинство, Тебе по всей вселенней исповедует святая Церковь, Отца непостижимаго величества, поклоняемаго Твоего истиннаго и Единороднаго Сына и Святаго Утешителя Духа. Ты Царь славы, Христе, Ты Отца присносущный Сын еси; Ты ко избавлению приемля человека, не возгнушался еси Девическаго чрева. Ты, одолев смерти жало, отверзл еси верующим Царство небесное. Ты одесную Бога седиши во славе Отчей, Судия приити веришися. Тебе убо просим: помози рабом Твоим, ихже честною Кровию искупил еси. Сподоби со святыми Твоими в вечной славе Твоей царствовати. Спаси люди Твоя, Господи, и благослови достояние Твое; исправи я и вознеси их во веки. Во вся дни благословим Тебе, и восхвалим имя Твое во век и в век века. Сподоби, Господи, в день сей без греха сохранился нам. Помилуй нас, Господи, помилуй нас; буди милость Твоя, Господи, на нас, якоже уповахом на Тя. На Тя, Господи, уповахом, да не постыдимся во веки. Аминь.

О путешествующих

Тропарь, гл. 2. Путь и истина сый, Христе, спутника Ангела Твоего рабом Твоим ныне, якоже Товии иногда, поели сохраняюща и невредимых, ко славе Твоей, от всякаго зла во всяцем благополучии соблюдающа, молитвами Богородицы, едине Человеколюбче.

Кондак, гл. 2. Луце и Клеопе во Еммаус спутешествовавый, Спасе, сшествуй и ныне рабом Твоим, путешествовати хотящим, от всякаго избавляя их злаго обстояния; вся бо Ты, яко Человеколюбец, можеши, хотяй.

Молитва: Господи Иисусе Христе, Боже наш, истинный и живый путю, состранствовати мнимому Твоему Отцу Иосифу, и Пречистой Ти Деве Матери, во Египет изволивый и Клеопе во Еммаус спутешествовавый; и ныне смиренно молим Тя, Владыко Пресвятый, и рабом Твоим сим Твоею благодатию спутешествуй. И якоже рабу Твоему Товии Ангела Хранителя и наставника поели, сохраняюща и избавляюща их от всякаго злаго обстоянпя видимых и невидимых врагов, и ко исполнению заповедей Твоих наставляюща, мирно же и благополучно и здраво препровождающа, и паки цело и безмятежно возвращающа; и даждь им все благое свое намерение ко благоугождению Твоему благополучно в славу Твою исполнити. Твое бо есть, еже миловати и спасати нас, и Тебе славу воссылаем со безначальным Твоим Отцем, и со Пресвятым и благим и животворящим Твоим Духом, ныне и присно, и во веки веков. Аминь.

О болящих

Тропарь, гл. 4. Скорый в заступлении един сый, Христе, скорое свыше покажи посещение страждущему рабу Твоему, и избави от недуг и горьких болезней, и воздвигни во еже пети Тя и славити непрестанно, молитвами Богородицы, едине Человеколюбче.

Кондак, гл. 2. На одре болезни лежащаго и смертною раною уязвленнаго, якоже иногда воздвигл еси, Спасе, Петрову тещу и расслабленнаго на одре носимаго, сице и ныне, Милосерде, страждущаго посети и исцели: Ты бо еси недуги и болезни рода нашего понесый и вся могий, яко Многомилостив.

Молитва: Владыко Вседержителю, Святый Царю, наказуяй и не умерщвляяй, утверждаяй ниспадающия и возводяй низверженныя, телесныя человеков скорби исправляяй, молимся Тебе, Боже наш, раба Твоего (имярек) немощетвующа посети милостию Твоею, прости ему всякое согрешение вольное и невольное. Ей, Господи, врачебную Твою силу с небес ниспосли, прикоснися телеси, угаси огневицу, укроти страсть и всякую немощь таящуюся, буди врач раба Твоего (имярек), воздвигни его от одра болезненнаго и от ложа озлобления цела и всесовершенна, даруй его Церкви Твоей благоугождающа и творяща волю Твою, Твое бо есть, еже миловати и спасати ны, Боже наш, и Тебе славу воссылаем Отцу и Сыну и Святому Духу, ныне и присно и во веки веков. Аминь.

О заключенных

Тропарь, гл. 2. Манассию от уз и горькаго заточения, молитв ради свободивый, всещедрый Боже, и раба Твоего нами ныне молящагося, от уз и заточения свободи, и от всякаго злаго обстояния избави, яко един Человеколюбец.

Кондак, гл. 5. Яко милосердия источник и благости пучина, Христе Боже, не презри в скорбех и бедах Тебе верою призывающих, но яко щедр помилуй и от уз скоро свободи, да поем Ти: аллилуиа.

Молитва: Господи Иисусе Христе, Боже наш, святаго Апостола Твоего Петра от уз и темницы без всякаго вреда свободивый, приими, смиренно молим Ти ся, моление сие милостивно во оставление грехов раба Твоего (имя) в темницу всаженнаго и молитвами того, яко Человеколюбец, всесильною Твоею десницею от всякаго злаго обстояния избави и на свободу изведи.

Молитва на исход души

Владыко Господи Вседержителю, Отче Господа нашего Иисуса Христа, Иже всем человеком хотяй спастися и в разум истины приити, не хотяй смерти грешному, но обращения и живота, молимся и милися Ти деем: душу раба Твоего (имярек) от всякия узы разреши и от всякия клятвы свободи, остави прегрешения ему, яже от юности, ведомая и неведомая, в деле и слове, и чисто исповеданная, или забвением или студом утаенная. Ты бо един еси разрешаяй связанныя и исправляяй сокрушенныя, надежда нечаемым, могий оставляти грехи всякому человеку, на Тя упование имущему. Ей, человеколюбивый Господи! повели, да отпустится от уз плотских и греховных: и приими в мир душу раба Твоего сего (имярек), и покой в вечных обителях, со святыми Твоими, благодатию единороднаго Сына Твоего, Господа Бога и Спаса нашего Иисуса Христа, с Нимже благословен еси, с пресвятым и благим и животворящим Твоим Духом, ныне и присно и во веки веков. Аминь.

Молитва по исходе души

Помяни, Господи Боже наш, в вере и надежди живота вечнаго, преставльшагося раба Твоего, брата нашего (имярек), и яко благ и Человеколюбец, отпущаяй грехи и потребляяй неправды, ослаби, остави и прости вся вольная его согрешения и невольная; избави его вечныя муки и огня геенскаго и даруй ему причастие и наслаждение вечных Твоих благих, уготованных любящим Тя; аще бо и согреши, но не отступи от Тебе и несумненно во Отца и Сына и Святаго Духа, Бога Тя в Троице славимаго верова, и единицу в Троице и Троицу в единстве православно даже до последняго своего издыхания исповеда. Темже милостив тому буди, и веру, яже в Тя, вместо дел вмени, и со святыми яко щедр упокой; несть бо человек, иже поживет и не согрешит. Но Ты един еси кроме всякаго греха, и правда Твоя правда во веки; и Ты еси един Бог милостей и щедрот и человеколюбия, и Тебе славу воссылаем, Отцу и Сыну и Святому Духу, и ныне и присно и во веки веков. Аминь.

Таинство покаяния установлено Иисусом Христом для того, чтобы христианин согрешивший после крещения, мог получить прощение грехов и вновь восстановить или же умножить благодать, полученную при св. Крещении. Для того, чтобы удостоиться этого прощения грехов и восприятия Божией благодати, необходимо: 1) исповедать – т. е. открыть все свои грехи священнику; 2) чистосердечно раскаяться в них; 3) принять возложенную духовником епитимию.

Во-первых, необходимо «исповедать все свои грехи», по крайней мере тяжкие, важные, соделанные со времени последней исповеди. Если хотя один грех сознательно утаен, умышленно не высказан – то вся исповедь недействительна, святотатственна и ни один грех не прощен. Если же во время исповеди какой-нибудь грех не был сказан по забывчивости только – исповедь действительна, все грехи отпущены, но все же забытый грех необходимо сказать на следующей исповеди.

Вторым необходимым условием таинства покаяния является сердечное и полное раскаяние, сопровождаемое твердой решимостью никогда и ни за что в будущем не грешить. Раскаяние есть сокрушение сердца или скорбь о своих грехах; скорбь о том, что мы за все благодеяния и за Его неимоверную любовь к нам воздаем полною неблагодарностью, грехом; что мы, сыны Божии и наследники Царства небесного – грехом лишаем себя благодатной жизни и повергаем себя в рабство диавола. Эта скорбь должна быть всеобщая, т. е. мы должны гнушаться всеми без исключения грехами: нельзя примиришься с Богом, если в душе нашей останется привязанность хотя бы к одному тяжкому греху. Поэтому истинное раскаяние совершенно немыслимо без твердой решимости исправиться во всем, без искреннего намерения избегать всего, что ведет к греху, а равно принимать все необходимые средства к исправлению. И если бы кто-нибудь не думал исправиться, если бы намеревался и далее грешить, исповедь при таком настроении была бы недействительна, святотатственна. Готовность возместить причиненный нами ближнему вред, а равно готовность простить, даже врагам своим, все нанесенные нам обиды – являются точно также необходимым условием истинного покаяния.

Но мало грешнику покаяться, мало исповедать все свои грехи; на нем лежит еще обязанность исправить совершенную перед Богом неправду. Различными способами можно это исполнить: перенесением, напр., всех допускаемых Богом страданий, болезней, недостатков, гонений; далее – нашими добрыми делами, предпринимаемыми с целью умилостивить Бога, Которого мы оскорбили нашими грехами; но лучше всего исправляем мы совершенную перед Богом неправду исполнением положенной нашим духовником епитимии.

Епитимия есть наказание, которое священник, как духовный врач и судья, налагает на исповедавшегося для очищения его души и восстановления правды Божией. Обычно служат к тому пост, молитва, подаяние милостыни, хождение к святым местам, частое говение, иногда отлучение от причастия на определенное время. Епитимию, положенную духовником, следует безотлагательно и в точности исполнить.

Приготовление к таинству покаяния

Прочитай сердечно молитву: Царю Небесный… (стр. 3).

Затем приступи к внимательному и серьезному испытанию своей совести.

Испытание совести

Когда ты последний раз исповедовался? Не забыл ли ты или не утаил на исповеди какого-нибудь тяжкого греха? Не причащался ли Св. Таин недостойно? Выполнил ли назначенную духовником епитимию? Примирился ли перед исповедью с ближними? Простил ли от души обидчиков?

Грехи против Бога

Любил ли ты Бога более всего? Не читал чего, не думал, не говорил, или не слушал чего-либо против Бога и против веры? Не сомневался ли в истинах и догматах св. Церкви, не роптал ли на Бога? Не произносил ли хулы на Господа Бога, или на святых, на св. Церковь и на обряды ее? Не божился ли напрасно? Не нарушал ли клятвы, обетов, присяги? Ежедневно ли и усердно молился? Всегда ли по воскресеньям и праздникам участвовал в церковном богослужении? Хорошо ли держал себя в храме? Не исполнял ли сам по праздникам тяжелой работы и не заставлял ли других работать? Соблюдал ли посты? Не занимался ли гаданием, чародейством?

Грехи против ближнего

Любил ли ты своих родителей, повиновался ли им, почитал ли их? Не причинял ли им огорчения, не осуждал ли их, молился ли за них? Хорошо ли жил со своими родными? Почитал ли своих наставников и начальников, повиновался ли им? Добросовестно ли исполнял свои обязанности? Старательно ли воспитывал детей? Как относился к своей супруге (у)? Не обижал ли кого словом или делом? Не оскорбил ли, не презирал, не проклинал ли? Не мстил ли ты, не имел ли на кого злобы, не желал ли кому зла? Не соблазнил ли кого на грех? Не подстрекал ли к побоям или вообще к причинению вреда или насилия другим? Не убил ли кого, не повредил ли здоровью ближнего? Не истреблял ли какими-нибудь средствами зачавшегося плода? Не изменял ли супружеской любви и верности? Не крал ли, не удерживал и не утаивал ли чужого? Не испортил ли чужой собственности? Не приобретал ли чего обманом, хитростью? Не тратил ли напрасно денег? Платил ли ты долги? Милосерд ли ты был для бедных, справедлив ли для всех? Не лгал ли ты, не обманывал? Не клеветал ли, не осуждал ли ближнего словом или мысленно, не сплетничал ли? Не давал ли ложного показания на суде? Не подозревал ли напрасно кого-нибудь в злом поступке? Не наговаривал ли других к злобе, зависти, ненависти? Не завидовал ли другим, не гордился ли? Не бранил ли ближнего оскорбительными словами? Не смеялся ли над ближним?

Грехи против самого себя

Не сердился ли, не проклинал, не сквернословил ли? Не думал ли нанести вред своему здоровью? Не злоупотреблял ли пищею и напитками? Боролся ли с нечистыми мыслями? Не имел ли добровольно неприличных плотских похотей, желаний и чувств? Не читал ли безнравственных книг? Не смотрел ли на неприличные, бесстыдные вещи или картины? Не случались ли неприличные разговоры, слова, песни? Не совершал ли каких срамных вещей сам с собой или с другими? Не был ли ленив в исполнении своих обязанностей?

Припомнив все свои грехи, возбуди в сердце своем сердечное сокрушение о соделанных грехах, читая, например, молитву святого Василия Великого:

Владыко, Господи Иисусе Христе, Боже наш, источник жизни и бессмертия, всей твари видимой и невидимой Создателю, безначального Отца соприсносущный Сыне! Сам ныне, ради премногой Твоей благости, прими покаяние меня грешнаго, преклони ухо Твое ко мне и услыши мя. Согрешил я, Господи, и от множества грехов моих не достоин воззреть на высоту славы Твоей; прогневал я благость Твою, заповеди Твои преступил и не послушал Твоих повелений. Но Ты, Господи Благий, Долготерпеливый, не предал меня на погибель по беззакониям моим, но ожидал обращения моего. Ты сказал, Человеколюбче, через Твоего пророка: не хочу смерти грешника, но чтобы он обратился и был жив. Не хочешь, Владыко, создание, дело Твоих рук, погубить, но зовешь ко спасению. Посему, уповая на безконечную Твою благость, прихожу к Тебе, Спаситель мой, приими меня как плачущую блудницу, как благоразумнаго разбойника, как покаявшагося мытаря и возьми мое тяжкое бремя греховное, Ты, взявший грехи всего мира, немощи его исцеляющий, трудящихся и обремененных к Себе призывающий, и дарующий приходящим к Тебе обетованное успокоение. Подай и мне, Блаже, слезы раскаяния, просвещение ума и сердца, чтобы я, познав беззакония мои, принес Тебе покаяние мое. Ты же, Господи, прости и помилуй мя, по великому милосердию Твоему, чтобы там, где велик грех, преизобиловала благодать Твоя, да восхвалю и прославлю Тебя во вся дни живота моего.

Молитва вторая

Ослаби, остави, прости, Боже, прегрешения моя, вольная и невольная, яже в слове и в деле, яже в ведении и в неведении, яже во дни и в нощи, яже в уме и в помышлении: вся мне прости, яко Благ и Человеколюбец.

Потом, подойдя к священнику, перекрестись, поцелуй св. крест и Евангелие на аналое, начни исповедь. – Закончи чувством раскаяния, например «О сих и о всех, быть может забытых мною грехах, каюсь пред Богом, сокрушаюсь всем сердцем моим и твердо решаю исправиться».

Потом выслушай наставление священника, запомни епитимию, которую он назначит, и затем, стоя на коленях, с чувством смирения, раскаяния и веры благоговейно внимай разрешительной от грехов молитве.

После исповеди благодари Господа за то, что Он, по Своему бесконечному милосердию, помиловал Тебя и простил твои грехи.

Слава Тебе, Господи, слава Тебе, Царю, слава Тебе, Творче, Избавителю и Искупителю мой, яко не отринул еси мя, во грехах всячески погруженнаго, но умилостивился надо мною и освободил мя от уз диавольских, исхитил душу мою от погибели, очистил ю от проказы греховной. Помози ми, Боже, да никогда более не преступлю повелений Твоих. Даруй ми, Господи, благодать Твоего Духа, укрепляющую мя в благочестии, и возбраняющую от всякаго зла, подающую же мне силу и крепость на попрание лукавых мыслей и деяний, плотских похотей, мирских искудрований и диавольских искушений. Даруй ми, Господи, всегда и во всем творити волю Твою, да не живу впредь себе, но Тебе, моему Владыце и Благодетелю. Аминь.

Можно также прочесть Псалом 50:

Помилуй мя, Боже… (стр. 5).

Евхаристиею называется Таинство, содержащее в себе реально (вещественно), действительно, и существенно Тело и Кровь Господа нашего Иисуса Христа под видом хлеба и вина. На бож. Литургии хлеб и вино пресуществляются в истинное Тело и Кровь Иисуса Христа, так что по произнесении священником тайнодейственных слов Христовых: сие есть Тело Мое и сия есть Кровь Моя, действием Св. Духа – остается лишь внешний вид и ощутимость хлеба и вина, существа же их уже нет, но под видом этих немощных веществ предлежит нам страшная и святая Жертва Тела и Крови Господней, Которая и приносится на бож. Литургии за всех живых и усопших. Приношение этой Жертвы есть продолжение и таинственное возобновление Жертвы Голгофской. Оно является главным центром, как бы огненным очагом всей жизни Невесты Христовой – Церкви: от этой Жертвы истекают все милости Божии и получают свое благодатное значение и силу все наши молитвы и добрые дела.

Но Евхаристия есть не только приношение Св. Жертвы. В Своей бесконечной любви Господь завещал нам и повелел вкушать Тело и Кровь Свою; это – лучшее и славнейшее питание христианина. В остальных таинствах мы получаем благодать Божию; а в этом Божественном Таинстве мы принимаем Самый Источник всякой благодати. Будем же чаще причащаться этой Святой Жертвы.

Примечание: по учению святой Церкви всякий христианин может часто приступать к причастию. Чтобы приступать к причастию, надо: 1) приступать к причащению благочестиво, т. е. для угождения Господу, для спасения своей души и по другим добрым побуждениям; 2) не иметь на совести тяжкого греха; а если таковой есть, то исповедаться в нем прежде причащения.

Божественная литургия

Святого Иоанна Златоустого

Когда приходит время совершения Божественной Литургии, священник входит в храм вместе с диаконом. Положив к востоку перед святыми дверьми три поклона, они читают Входные молитвы.

Затем отходят в святилище и облачаются в священные одежды, читая надлежащие молитвы.

После облачения идут к жертвеннику и совершают Проскомидию по чину.

По окончании Проскомидии диакон кадит святой Престол, предложение, святилище и весь храм.

Затем священник и диакон, стоя перед св. Престолом, поклоняются трижды и читают:

Царю небесный…

Слава в вышних Богу и на земли мир, в человецех благоволение (дважды).

Господи, устне мои отверзеши, и уста моя возвестят хвалу Твою.

И целуют – священник св. Евангелие, диакон же св. престол; поклонившись, диакон исходит северными вратами на амвон и возглашает:

Д. Благослови, владыко.

Священник: Благословенно Царство Отца и Сына и Святаго Духа, ныне и присно и во веки веков[1].

Лик: Аминь.

Великая Ектения

Д. Миром Господу помолимся.

Л. Господи, помилуй.

Д О свышнем мире и спасении душ наших, Господу помолимся.

Л. Господи, помилуй.

Д О мире всего мира, благостоянии святых Божиих церквей и соединении всех, Господу помолимся.

Л. Господи, помилуй.

Д. О святем храме сем, и с верою, благоговением и страхом Божиим входящих в онь, Господу помолимся.

Л. Господи помилуй.

Д. О Святейших Патриарсех Православных, и о Господине нашем Митрополите (или Архиепископе, или Епископе) нашем (имя), честном пресвитерстве, во Христе диаконстве, о всем причте и людех, Господу помолимся.

Л. Господи, помилуй.

Д. О предержащих властех наших и о всем воинстве, Господу помолимся.

Л. Господи, помилуй.

Д. О граде сем (или о веси сей, или о святей обители сей), всяком граде, стране и верою живущих в них, Господу помолимся.

Л. Господи, помилуй.

Д. О благорастворении воздухов, о изобилии плодов земных и временех мирных, Господу помолимся.

Л. Господи, помилуй.

Д О плавающих, путешествующих, недугующих, страждущих, плененных, и о спасении их, Господу помолимся.

Л. Господи, помилуй.

Д. О избавитися нам от всякия скорби, гнева и нужды, Господу помолимся.

Л. Господи, помилуй.

Д Заступи, спаси, помилуй и сохрани нас, Боже, Твоею благодатию.

Л. Господи, помилуй.

Д Пресвятую, пречистую, преблагословенную, славную Владычицу нашу Богородицу и Приснодеву Марию, со всеми святыми помянувше, сами себе, и друг друга, и весь живот наш Христу Богу предадим.

Л. Тебе, Господи.

Молитва 1-го антифона

Господи Боже наш, Егоже держава несказанна, и слава непостижима, Егоже милость безмерна, и человеколюбие неизреченно: Сам, Владыко, по благоутробию Твоему, призри на ны, и на святый храм сей и сотвори с нами, и молящимися с нами, богатыя милости Твоя, и щедроты Твоя.

Возглас: Яко подобает Тебе всякая слава, честь и поклонение, Отцу и Сыну и Святому Духу, ныне и присно и во веки веков.

Л. Аминь.

1-ый Псалом изобразительный[2]

Благослови, душе моя, Господа, благословен еси, Господи.

Благослови, душе моя, Господа и вся внутренняя моя Имя святое

Его.

Благослови, душе моя, Господа, и не забывай всех воздаяний Его.

Очищающаго вся беззакония твоя, исцеляющаго вся недуги твоя.

Избавляющаго от нетления живот твой, венчающаго тя милостию и щедротами.

Исполняющаго во благих желание твое, обновится яко орля юность твоя.

Творяй милостыни Господь и судьбу всем обидимым, сказа пути своя Моисеови, сыновом Исраилевым хотения своя.

Щедр и милостив Господь, долготерпелив и многомилостив.

Не до конца прогневается, ниже в век враждует: не по беззаконием нашим сотворил есть нам, ниже по грехом нашим воздал есть нам.

Яко по высоте небесней от земли, утвердил есть Господь милость свою на боящихся Его.

Елико отстоят востоцы от запад, удалил есть от нас беззакония наша.

Якоже щедрит отец сыны, ущедри Господь боящихся Его.

Яко той позна создание наше, помяну яко перст есмы.

Человек, яко трава дние его, яко цвет сельный, тако оцветет.

Яко дух пройде в нем, и не будет, и не познает к тому места своего. Милость же Господня от века и до века на боящихся Его.

И правда Его на сынех сынов, хранящих завет Его, и помнящих заповеди Его, творити я.

Господь на небеси уготова престол свой, и царство Его всеми обладает.

Благословите Господа вси ангели Его, сильнии крепостию, творящии слово Его, услышати глас словес Его.

Благословите Господа вся силы Его, слуги Его творящии волю Его. Благословите Господа вся дела Его, на всяком месте владычества Его.

Слава Отцу и Сыну и Святому Духу.

И ныне, и присно, и во веки веков, аминь.

Благослови, душе моя, Господа, и вся внутренняя моя Имя святое Его.

Благословен еси, Господи.

Или Антифон 1-ый повседневный

Благо есть исповедатися Господеви, и пети Имени Твоему, Вышний. Молитвами Богородицы, Спасе, спаси нас.